Back الهضبة السويسرية Arabic İsveçrə platosu Azerbaijani Швейцарскае плато Byelorussian Швейцарско плато Bulgarian Altiplà suís Catalan Švýcarská plošina Czech Mittelland Danish Mittelland (Schweiz) German Swiss Plateau English Svisa Mezlando Esperanto
Ds Mittuland (französisch Plateau suisse, abr ou Moyen pays; italienisch Altipiano svizzero, rätoromanisch Svizra bassa) biudet näbem Jura u de Aupe eini vo de drü Grosslandschafte vor Schwyz.
Es macht öppe 30 Prozänt vor schwyzerische Landsflächi us u drinn woone rund 66 Prozänt vor Schwyzer Bevöukerig.
Es umfasst ds teus flachi, wytgehend jedoch hügligi Biet zwische Jura u Aupe u liegt im Mittu uf erer Höchi vo 400 bis 600 Meter über Meer. Es isch die wytus am dichtischti bsiedelti Region vor Schwyz u derdür ou wirtschaftlech u verkehrstechnisch dr bedütendschti Grossruum vom Land. S'Mittuland isch abr ou d'Region vo de meischte Stedt u de grossen Agglomeratione u es isch prägt vor Zersydlig und ere grosse Bevöukerigsdichti.
Näb de geoglogische Gränze i Abgränzig mit de drü Grosslandschafte Aupe u Jura gits no witeri Definitione: Di politisch Grossregion Espace Mittuland beschteit us de Kantön Bärn, Friburg, Nöieburg u Soledurn u isch mit rund 1'745'000 Iwohner eini vo de wichtigere Regione.
Bemerkenswärt isch ou dass d'Dütschschwyzer u di frankophone Schwyzer im Espace Mittuland öppe glichstarch verträtte sy.
Im Gsprööch definiert me s'Mittuland mängisch weniger gnau ou aus "aues wo zwüsche Bärn u Züri isch" oder abr ou "aues wo zwüsche Gämfer- u Bodesee isch.
